Kinguaattoornerit
Kujataani silarlunnera umiarsualerinerillu sivisunerunerat pissutigalugu umiarsuaatitta kinguaattooqqanerat ilisimatitsissutigerusupparput.
Kinguaattoornerit pineqartut pingaartumik nioqqutissanut Silver Mary 338-kkut aamma Irena Arctica 338-kkut sinerissami sumiiffinnut assartorneqartunut sunniuteqarpoq.
Kujataani pajuttaatip kinguaattooqqanera
Kujataani anorersuarnera pissutigalugu Umiarsuup pajuttaatip Irena Arcticap pilersaarutaa allanngorpoq. Pilersaarut ullunik marlunnik kinguaattoorfiuvoq Irena Arcticallu angalaneranut 338-mut pilersaarut angalanermut pilersaarutitsinni takuneqarsinnaavoq: Ingerlaarfiit.
Silver Mary 338-p kinguaattooqqanera
Umiarsuup aallarnerata siusinnerusup kinguaattoorfiunera pissutigalugu Nuummilu terminalimi umiarsualerinerup sivisunerunera pissutigalugu Silver Mary Nuummit marlunngornermi oktobarip 17-iani nal. 9:30 aallarnissaa pilersaarutigineqarpoq. Tamatuma kingunerisaanik nassiussat Avannaanut assartorneqartussat ullup ulluallu affaanik kinguaattoorfiupput. Eqqumaffigineqassaarlu nassiussat kujammukartut avannaanut pajuttaammik Silver Marymik assartorneqartussat Tukuma Arcticamut tunngaviatigut angumersisinnaassammata, umiarsuup Silver Mary utaqqissammagu.
Tukuma Arctica 339/342 kinguaattoorpoq
Aarhusip terminaliani umiarsualerinerup sivisunerunera aamma Kujataani imartallu sinnerini silarlunnera pissutigalugu Tukuma Arctica aamma kinguaattooqqavoq. Umiarsuaq Nuummut oktobarip 21-ani nal. 07:00 tikittussatut maannakkorpiaq naatsorsuutigineqarpoq.
Tilioq Arctica pillugu killiffik
Tilioq Arcticap oktobarip 20-ani angalaqqilernissaminut piareersimanissaa naatsorsuutigineqarpoq.
Umiarsuit tikiffissaat nutartikkat paasissutissallu allat takorusukkaanni nittartakkatsinni umiarsuit ataasiakkaat ingerlaarfii pillugit qupperneq iserfigalugu takuneqarsinnaapput, ingerlaqqiffissaq una atorlugu: Ingerlaarfiit.
Kinguaattoornerit malitsigisaannik unammilligassaqalerneranut naammagittarnissinnut paasinninnissinnullu qujavugut.
Kinguaattoornerit malitsigisaannik pisarissersuutaasut annikillisarnissaat pimoorullugu sulissutigaarput nassiussanillu pisariaqartitatit pillugit sapinngisamik pitsaanerpaamik sullinnissat qilanaaralugu.
Allannguuteqaqqissinnaanera eqqumaffigineqassaaq.