Atorfinitsitsigallarnerup nalaani aaqqissuussaanikkut allannguutit

Royal Arctic Linep siulersuisuisa aaqqissuussaanermi aqutsinikkut piginnaasanik nutaanik pisariaqartitsisoqarneranik aalajangernerisa kingorna, Royal Arctic Linemi tuniniaanermut pisortaq Niels Clemensen umiarsuaatileqatigiiffimmi pisortaanerugallartussatut ivertinneqarpoq.

Niels Clemensen akisussaaffeqarfinnik arlalinnik isumaginnittuuvoq, taamaattumillu aaqqissuussaanermi suliaqarfiit ilaat piffissami akornaniittumi allanut suliassanngortinnissaat pisariaqartinneqalerpoq.

Royal Arctic Linemi pisortaqatigiit katitigaanerat atorfinitsitsigallarnerup nalaani ima isikkoqarpoq:

Pisortaanerugallartoq/CEO
Niels Clemensen

Pisortaanerup tullia/Deputy CEO
Aviâja Lyberth Lennert

Aningaasaqarnermut pisortaq/CFO qarasaasiaqarnermullu akisussaasoq
Jørgen Aqe Møller

Ingerlatsinermut pisortaq/COO
Ivalu Kleist

Suliffeqarfissuarmi Sulisoqarnermut pisortaq/CHRO
Bebiane Boye Hansen

Umiarsuarnik ingerlatsinermut pisortaq
Anders Bay Larsen

Sullissinermut pisortaq niuernermullu tunngasunut akisussaasoq John Aage Nielsen, pisortaanerugallartoq/CEO attaveqarfigalugu.

Pisortaanerugallartoq Niels Clemensen saaffigalugu paasissutissat amerlanerusut piniarneqarsinnaapput, oqarasuaat 34 91 11, email nic@ral.gl