Umiarsuarmi assistentit
Kalaallit Nunaata misigisassarsiorfiginissaanik issittullu imartaani umiartornermik misilittagaqalernissat takorluugariviuk? Taava Royal Arctic Line maannakkorpiaq umiarsuarmi assistentinik ataasiakkaanik pissarsiorpoq.
![](/media/1147513/malik_arctica_foto-soeren-knudsen.jpg?w=817&h=&mode=canvas)
Umiarsuaatileqatigiiffik imarsiortunik pikkorissunik tunniusimasunillu 260-it missaannik sulisoqarpoq, taakkulu ataqatigiilluarlutik umiarsuarnik containerilersuutinik sikusiutinik qulinik sinersortaammillu ataatsimik Kalaallit Nunaata sineriaa atuarlugu kiisalu Kalaallit Nunaata, Danmarkip, Islandip, Savalimmiut, Sverigep aamma Tysklandip akornanni ingerlatsisuupput.
Ulluinnarni umiarsualerisarnerit qaammatini makkunani sikoqannginnerani annertunerpaaffissaminniittut sumiiffinni arlalinni umiarsuit namminerisaminnik kivittaataat, prammii sumiiffiillu ilaanni aamma namminerisamik lastbiilit atorlugit ingerlanneqartarput.
Uppernarsaatit pigisassat:
- Passi
- Umiartornermut uppernarsaat (søfartsbog)
- ISPS-imut allagartaq
- Peqqissutsimut uppernarsaat atuuttoq
- §16 naapertorlugu sulinermi avatangiisit pillugit pikkorissarneq
- Tunngaviusumik imaatigut isumannaallisaanermut uppernarsaat atuuttoq
- Ikuallattoornermik akiuiniarnermut ikuallattoornermilu aqutsinermut uppernarsaat atuuttoq
- Angallatinik annanniutinik aamma angallatinik immamut nakkartoqarnerani atugassanik ingerlatsisinnaanermut uppernarsaat atuuttoq
- Umiarsuarmi naalakkatut, maskinmesteritut imaluunniit umiarsuarmi assistentitut sungiussisimasutut/ilinniarsimasutut ilinniagaqarneq
Sulisut pissarsiarerusutavut tassaapput:
- Tatiginartut akisussaaffimmillu pingaartitsisut
- Suliassanik allanngorartunik unammillernartunillu soqutigisaqartut
- Namminersorlutik sulisinnaasunut, aammali suleqatigiinni suleqataasinnaasut
Neqeroorutigaagut:
- Atorfeqarnermi atugassarititaasut unammillersinnaassuseqartut
- Piffissat angalaffiusut naleqquttut, sapaatit akunnerini arfinilinni angalareernermi sapaatit akunnerini arfinilinni sulinngiffeqarneq
- Piffissat angalaffiusussat pilersaarusiorneqarnerinut atatillugu peqataatinneqarneq
Qinnuteqaat:
Allakkatigut qinnuteqaativit CV-mik ilalerlugu e-mailikkut tigunissaa qilanaarivarput: imaq@ral.gl
Atorfininneq: Sapinngisamik piaarnerpaamik
Qinnuteqaatit: Ingerlaavartumik suliarineqassapput