BAF/CAF aamma ETS

Uuliap akiisa aningaasallu nalingisa qaffalaarsimanerat pissutigalugu Royal Arctic Linep uuliamut aningaasallu nalinginut tapiliuttagaq decembarip aallaqqaataaniit 2024 atuutilersumik naleqqussarniarpaa 10%- inngortillugu.

Tapiliuttagaq maannakkorpiaq 8%-iuvoq.

Royal Arctic Linep uuliamut aningaasallu nalinginut tapiliuttagaq iluanaaruteqarfigineq ajorpaa, tapiliuttagaq atortarpoq uuliamut akit aningaasallu nalingisa allanngoriartornerisa sunniutaannut ingerlatseqatigiiffik qajannaarsarniarlugu.

ETS-mut tapiliuttagaq naleqqussarneqassooq 1,27%-mut.

Massakkut tapiliuttagaq 1,38%-miippoq.

ETS-mut akitsuut EU-mut akilerneqassaaq, taamaattumillu akitsuut akilerneqartoq Royal Arctic Linemut akiliutaanngilaq.

Ineriartorneq malittareqqissaarparput januarip aallaqqaataani 2025-mi qanoq nalimmassaasoqassanersoq decembarip ingerlanerani nalilersuiffigineqassalluni.