Tukuma Arctica 418 kinguaattoorpoq
Bruarfoss 419 Thorshavnimut aqqusaassanngilaq
Tukuma Arctica 418-ip Aarhusimit aallarnissaa kinguartinneqarpoq Aarhusimi umiarsualiviup terminaliani sulisut suliumajunnaarnerat pissutigalugu.
Tukuma Arctica 418-ip Aarhusimit aallarnissaa kinguartinneqarpoq Aarhusimi umiarsualiviup terminaliani sulisut suliumajunnaarnerat pissutigalugu (APMT). Containerit usilersugassat suli tamakkerneqanngillat. Aarhusimi terminalimit oqaatigineqarpoq suliunnaartoqarnerata kingunerisaanik gate nal. 06.00 ammarneqanngitsoq. Aammattaaq allatigut suliaqartoqanngilaq – umiarsuarnut, quersuarmut, qimuttuitsunut allanullu tunngatillugu – sulisut nal. 08.00 sulileqqinnissaasa tungaanut. Kinguaattoorneq angalanermut pilersaarummut naleqqiullugu nalilersuiffigileruttorparput.
Bruarfoss 419 kujammut ingerlaarnermini Thorshavnimut aqqusaassanngilaq Savalimmiuni maannakkorpiaq suliumajunnaartoqarnera pissutigalugu. Sullitat Thorshavnimit Thorshavnimut nassiussanik inniminniisimasut tamanna pillugu ilisimatinneqareerput.
Nioqqutissat asiujasut iliuuseqarfiginissaat qanoq pingaaruteqartigisoq Royal Arctic Linep ilisimalluarpaa, taamaattumik sullitatsinnut neriorsuutigissavarput pissutsit aaqqinniarlugit kinguaattoornerillu annikillisinniarlugit sapinngisatsinnik iliuuseqassagatta. Sullitatsinnut pisarissersuutaanera ajuusaarutigaarput. Sullitavut ingerlaavartumik ilisimatissavagut paasisaqarneroriaruttalu nalunaaruteqarumaarpugut.