Tasiilap ukioq manna umiarsuaqaqqaarnissaa unammillernartoq

Malik Arctica sapaammi maajip 26-ani marloriarluni Tasiilap tungaanut sikusiorluni misiliigaluarpoq, Tasiilalli eqqaani sikut eqitersimavallaarnerat, ingerlaarfigiuminaannerat issungaatsiarnerallu pissutigalugu utiinnartariaqarsimalluni.

Tasiilap eqqaani ulluni tulliuttuni marlussunni anoreqanngingajassaaq, taamaattumillu umiarsuarmit neriuutigineqarpoq sikut akullarnerulaassasut illoqarfiup tungaanut ingerlaarfigiuminarnerulerlutik.

Tasiilamut angalaneq aappaluttumik nalunaaqutsigaavoq, taamaattumillu sila sikoqassusialu apeqqutaatillugit aatsaat angalasoqarsinnaalluni.

Qanoq inissisimasoqarnera malittaraarput sullitavullu ingerlaavartumik ilisimatittarumaarpagut.