Tasiilamut ukioq manna umiarsuaq siulleq ullumi tikissaaq
![](/media/1333076/malik-arctica_4_310524.jpg?w=817&h=&mode=canvas)
Tasiilap eqqaani sikorsuit akornanni sikoqannginnersaq ullumikkut ammanerulerpoq, aamma sikorsuit sinaavat avasinnerulerpoq sikullu eqimavallaarunnaarlutik avinngarput.
Taamaattumik Tasiilamut umiarsuaq siulleq utaqqisaaqisoq ullumikkut tallimanngornermi maajip 31-ani ualippat tikittussanngorpoq.
Tamatuma peqatigisaanik Nanoq Arctica angalanermini 419-imi Tasiilaliarluni Reykjavikimit maanna aamma avalappoq.
Malik Arcticami Tasiilamilu umiarsualivimmi suleqativut sulilluarnissaannik kissaappavut sullitavullu akunnerup naalluarnissaanik kissaallugit.