Malik Arctica Tasiilap eqqaani sikut allannguuteqarnissaannik utaqqissaaq

Malik Arctica marlunngornermi ullaakkut Tasiilap tungaanut sikusiorluni misileeqqikkaluarpoq sikoqassusiali ippassarnit pitsaanerulersimanngimmat utiinnartariaqarpoq.

Umiarsuaq illoqarfiup tikinnissaanut misileeqqinnissaminut allanngortoqarnissaa utaqqillugu sumiiffimmiiginnassaaq. Sisamanngorpat silarlunnissaanik ilimasaarisoqarnerata kingunerisaanik sikoqassutsip malunnaatilimmik allannguuteqarsinnaanissaa neriuutigineqarpoq.

Tasiilamut angalaneq aappaluttumik nalunaaqutsigaavoq, taamaattumillu sila sikoqassusialu apeqqutaatillugit aatsaat angalasoqarsinnaalluni.

Qanoq inissisimasoqarnera malittaraarput sullitavullu ingerlaavartumik ilisimatittarumaarpagut.