Malik Arctica: Sikoqassusiata pitsaanerulernissaanik suli utaqqivoq
Malik Arctica qaammataasamit assilisanik DMI-mit ullumi nassiussarsivoq, taakkunanilu takuneqarsinnaavoq sinerissap qanittuani sikoqannginnersaqartoq avasinnerusumili suli sikoqangaatsiartoq.
Umiarsuup sikoqannginnersaq angussaguniuk 30-35 sømilit ingerlaaqqaartariaqarpoq. Sikoqassusia umiarsuarmit malittarineqartuarpoq tallimanngornerullu ingerlanerani aqqutissaqalersinnaanera neriuutigineqarluni.
Nanoq Arctica ullumikkut Tasiilamut tikittussatut pilersaarutigineqaraluarpoq, sikoqassusiatali pitsaanerulernissaata tungaanut Islandimi umiarsualivimmi utaqqitinneqaannassaaq.
Tasiilamut angalaneq aappaluttumik nalunaaqutsigaavoq, taamaattumillu sila sikoqassusialu apeqqutaatillugit aatsaat angalasoqarsinnaalluni.
Qanoq inissisimasoqarnera malittaraarput sullitavullu ingerlaavartumik ilisimatittarumaarpagut.