Arctic Umiaq Linemi pisortaq nutaaq

Taitsiannguaq Olsen juulip aallaqqaataani 2024-mi Arctic Umiaq Linemi pisortanngussaaq.

Taitsiannguup, Namminersorlutik Oqartussat peqatigalugit, Arctic Umiaq Linep Nunatsinni imaatigut ilaasunik angallassinermi siunissami atuuffigisassaata erseqqissarneqarnissaa pingaarnertut suliassarissavaa.

Arctic Umiaq Line ullumikkut Namminersorlutik Oqartussanut kiffartuussinissamik isumaqatigiissuteqarpoq, isumaqatigiissullu taanna 2025-p naanissaata tungaanut atuuppoq.

Taitsiannguaq Olsen Royal Arctic Linemi ilisarisimaneqarluarpoq, siornatigut tassani ukiuni 25-ni atorfeqarsimalluni. Imarsiornermut ingerlatsinermullu misilittagaqarluarpoq Arctic Umiaq Linemilu siulersuisut suleqatiginissaanut qilanaarput.

Taitsiannguaq Olsenip Jens Jakob Sandgreen ingerlatseqatigiiffimmi piffissami 2022-2024-mi pisortaasoq kingoraarpaa.

Paasissutissat sukumiinerusut ingerlatseqatigiiffiup pisortaaneranut Niels Clemensenimut saaffiginnissuteqarnikkut pissarsiarineqarsinnaapput.
Oqar. 34 91 11
Mail nic@ral.gl