Nunatta iluani aamma kujammukartunut IMDG-mik suliarinnittarneq
![](/media/371332/_R3W1364.jpg?w=817&h=&mode=canvas)
Royal Arctic Linemi inniminniisarnerup ingerlanneqartarnera sullitatsinnut pitsanngorsarusupparput uppernarsaasiortarnerlu pitsaanerulersillugu.
Taamaattumik IMDG-nik nassiussanut navianartunut, nunap iluani nunattalu avataanut nassiussanut tunngatillugu, sullitatta inniminniinermik ingerlatsisarnerat septembarip aallaqqaataa 2024 aallarnerfigalugu allanngortinniarparput.
Isumannaallisaaneq pitsanngorsarumallugu sunniuteqarluarnerusumillu ingerlatsinissaq siunertaralugu, inniminnikkamut uppernarsaatip ilinnut nassiunneqannginnerani nassiussanut navianartunut uppernarsaasiornerit tamaasa Nuummi inniminniisarfipput aqqutigalugu suliarineqarnissaat siunissami piumasarisalissavarput.
Tamanna sullitanut inuinnarnut aamma inuussutissarsiortunut siunissami siumut inniminneereerniartunut assigiimmik atuutissaaq.
Nassiussassat tunniunneqannginnerini allagaatit tamarmik eqqortumik immersorneqarsimanissaat akuerineqarsimanissaallu qulakkeerniarlugu taamatut allannguuteqartitsinissaq pisariaqarpoq.
Taamaaliornikkut kinguaattoortoqaratarsinnaanera unammillernartoqaratarsinnaaneralu annikillisarsinnaavarput, aammalu umiarsualivitsinni, umiarsuaatitsinni sulisuttalu akornanni pissutsit isumannaannerpaat atorlugit sulisoqarnissaa qulakkeerniarsinnaavarput.
Sullitatta maannakkut suleriaaserisartagaannik allannguisoqarnera sullissinermik assigiissaarnerusumik, siunissarlu eqqarsaatigalugu eqaannerusumik, kinguneqassaaq.
Allagaataatitit akuerineqarpata inniminnikkamut uppernarsaammik tunineqassaatit, tamatumalu kingorna nassiussassanik tunniussisinnaanngussaatit.
Ilitsersuusiavut nittartakkatsinni nassaarisinnaavatit, uani. Tamatuma saniatigut sulisuvut suliap ingerlanera tamakkerlugu ikiornissannut piareersimapput, aallaqqaataanit naammassinissap tungaanut, aamma paasinninnerit Royal Arctic Linemullu tatiginninnerit qujamasuutigeqaarput.
Apeqqutissaqaruit allatigulluunniit ikiorneqarnissannik pisariaqartitsiguit, booking@ral.gl-imut saaffiginninnissannut tikilluaqqusaajuaannarputit.