Angalanermut pilersaarummut allannguutit
Umiarsuup Irena Arcticap atuuffigisaani ukiut 30-nngornerinut klasseanullu tunngatillugu suliarineqarlunilu misissorneqartussanngorpoq. Amutsivimmiinnissaa 2025-mi ukiukkut pisussatut pilersaarutaagaluarpoq, oktobarilli naanerani 2024-mi inissamik pitsaasumik maanna periarfissinneqarpoq. Taamaattumillu periarfissaq taanna atorniarlugu aalajangerpugut, tamannalu Nunatsinni ukiakkut angalanermut pilersaarummi allannguutinik kinguneqarpoq.
Umiarsuarnut ataasiakkaanut allannguutit ataani atuarneqarsinnaapput. Maluginiarneqassaaq kujataanut pajuttaatip Irena Arcticap angalanissaa 440 atorunnaarmat umiarsuarmiillu allamit taarserneqassanngimmat, taamaattumillu nassiussat umiarsuup angalanissaata siorna kingornalu inniminnerneqartussaassapput. Kujataanut nassiussanut aqqusaarunneqartunut aamma sunniuteqassaaq, Malik Arcticap angalanermi 441-mi Aarhusimit nassiussanik useqarluni kujataanit avannamut illoqarfiit toqqaannartumik aqqusaartortussaassammagit, Nuuk avaqqullugu. Kujataanut pajuttaat angalanermit 442-mit nalinginnaasumik kaajallaaqqittalissaaq.
Irena Arctica:
Angalaneq 439 naammassiguniuk amutikkiartorluni Danmarkiliaassaaq.
Angalaneq 440 atorunnaarpoq allamillu taarserneqassanngilaq.
Umiarsuaq amutsivimmeereeruni angalanermi 446-mi Tasiilamut umiarsuartut kingullertut angalaqqilissaaq.
Tasiilamut aqqusaareeruni Nuuliassaaq avannaanullu pajuttaatitut angalanermit 446-mit ingerlaartinneqassalluni.
Malik Arctica:
Kujataanut pajuttaatitut angalanerit 441 aamma 442 ingerlatissavai.
Kujataanut angalanerit naammassigunigit avannaanut pajuttaatitut angalanerit 443, 444 aamma 445 ingerlatissavai.
Nanoq Arctica:
Angalaneq 443 ingerlatissavaa tamatumalu kingorna kujataanut pajuttaatitut ukiup sinnerani ingerlaartinneqassalluni.
Angalanermut pilersaarut nutartigaq nittartakkatsinni sapaatit akunneranni uani saqqummiunneqassaaq.
Allanik apeqqutissaqartoqassappat sullitanik kiffartuussivipput saaffigineqarsinnaavoq uunga: kundeservice@ral.gl
Taamatut inissisimasoqarnerani sullitatta paasinninnerat qujassutigaarput.
Allannguuteqarsinnaanera sillimaffigineqassaaq.