Silver Maryp angalaneranut 337-mut Kangerlussualiartussanik suli inniminniisoqarsinnaavoq

Kangerlussuarmut ukioq manna angalanissamut aappaluttumut kingullermut nassiussassanik inniminniinissaq suli periarfissaavoq.

Ivalo Arcticap angalanerani 337-mi Kangerlussuarmut usissat annertunerat pissutigalugu aalajangiunneqarpoq Ivalo Arctica 337-mut taarsiullugu Silver Mary 337 Kangerlussualiartinneqassasoq.

Kangerlussuup aqqusaarneqarnera ulluni oktobarip 11-12-iani pissaaq.

Aqqusaarnermullu tassunga atatillugu Kangerlussuarmi containerinik imaqanngitsunik sapinngisamik amerlanerpaanik umiarsuaq usilersorneqassaaq, qanoq piffissaqartigisoqarnera apeqqutaatillugu.

Angalanermi pineqartumi aamma Naajat aqqusaarneqassapput.

Silver Mary 337-p angalanissaanut pilersaarut ima isikkoqassaaq: Nuuk, Sisimiut, Aasiaat, Ilulissat, Qasigiannguit, Sisimiut, Naajat, Kangerlussuaq, Nuuk.

Uppernarsaatissat aaqqissuunneqarumaarput.