Paasissutissat nutaat: Tilioq Arctica pillugu killiffik
Umiarsuup angalaqqilersinnissaa suli iluatsinngilaq, piaartumillu iluarsineqarnissaa sulissutigaarput.
Maannakkorpiaq naatsorsuutigaarput umiarsuaq pingasunngornermi oktobarip 25-ani angalaqqilernissaminut piareersinnaassasoq. Tamannalu pissutigalugu umiarsuup angalanissaanut 338-mut pilersaarut aallartinneqarsinnaanngikkallarpoq.
Nassiussat asiujasut angallammik attartukkamik assartornissaannik pilersaarutaagaluartoq Kujataani silarlunnera pissutigalugu kinguaattoorpoq. Tamannalu Tilioq Arcticap angalanerani 336-mi Eqalugaarsunnut Igalikumullu nassiussanut kiisalu angalanermut 337-mut pilersaarummut tamarmiusumut sunniuteqarpoq. Sullitagut paasitissavagut nassiussat asiujasut Tilioq Arcticap angalaneranut 338-mut ilaasussaagaluit apuunneqarnissaannut periarfissanik ujartuigatta.
Kinguaattoorneq ajuusaarutigaarput, sullitagullu paasinninnerannut qutsavigerusuppagut.
Isumannaallisaaneq pingaarnertut ukkataraarput, kinguaattoornerilli annikillisarnissaannut naleqquttunillu aaqqiissutissarsinissaq sapinngisarput tamaat sulissutigaarput.
Sullitagut ataavartumik pisunik ilisimatitsissuteqarfigisassavagut, apeqqutissaqaraannilu sullitanik kiffartuussivik kundeservice@ral.gl -mut attaveqartoqarsinnaavoq.