Uuliamut aningaasallu nalinginut tapiliuttagaq appaqqissaaq

Uuliap akiisa aningaasallu nalingisa appariartornerat pissutigalugu Royal Arctic Linep uuliamut aningaasallu nalinginut tapiliuttagaq 2023-mi februaarip aallaqqaataanit atuutilersumik 7,18%-inut appartissavaa.

Tapiliuttagaq nuna tamalaani niuerfinni nukissiuutinut akit qaffakkiartornerisa malitsigisaanik 2022-mi nalinginnaanngitsumik qaffasissupilussuuvoq. Tapiliuttagarlu 2022-mi aggustimi qaffasinnerpaaffimminiikkami 30,73%-iuvoq.

 Royal Arctic Linep uuliamut aningaasallu nalinginut tapiliuttagaq iluanaaruteqarfigineq ajorpaa, tapiliuttagaq atortarpoq uuliamut akit aningaasallu nalingisa allanngoriartornerisa sunniutaannut ingerlatseqatigiiffik qajannaarsarniarlugu.