BAF/CAF 1. januar 2024

Uuliamut akit aningaasallu nalingi apparsimammata Royal Arctic Linep uuliamut aningaasallu nalinginut tapiliuttagaq januaarip aallaqqaataanit 2024 atuutilersumik 13%-nngortippaa.

Siunissami uuliamut aningaasallu nalinginut tapiliuttakkap procentinngortinnera ilivitsunngorlugu inissinneqartalissaaq.

Tapiliuttagaq maannakkorpiaq 15,35%-iuvoq.

Royal Arctic Linep uuliamut aningaasallu nalinginut tapiliuttagaq iluanaaruteqarfigineq ajorpaa, tapiliuttagaq atortarpoq uuliamut akit aningaasallu nalingisa allanngoriartornerisa sunniutaannut ingerlatseqatigiiffik qajannaarsarniarlugu.