Mary Arctica angalaneq 206-p Qeqertarsuup tunuanut tikinnissaa unitsiinnarneqarpoq
Kitaani sikoqarpallaarnera pissutigalugu Mary Arctica angalaneq 206 Aasiannut, Qasigiannguanut Ilulissanullu tikissinnaanngilaq.
Ingerlaarfissaq aappaluttumik nalunaarsorsimasuuvoq, imaappoq sikoqarnera silallu qanoq innera apeqqutaallutik umiarsuaq aatsaat sumiiffinnut tikissinnaassalluni.
Assip ilanngunneqartup takutippaa kitaata sikuata Sisimiuniit Qeqertarsuup tunuata tungaanut aqqutaa matusimagaa, issinneralu ulluni tulliuttuni taamaaginnassangatinneqarpoq.
Pilersaarutit malillugit Mary Arcticap ingerlaarfissaata tullia tassaassaaq
MRY 208. Sikoqarnerali malinnaaffigissavarput, periarfissaqalissappallu sioqqutsisumik Qeqertarsuup tunua tikissinnaajumaarlutigit.
Allannguuteqartoqarsinnaanera sillimaffigeqquneqarpoq.