Uuliamut aningaasallu nalinginut tapiliuttagaq

Royal Arctic Linep orsussamut akiliutai qaffakkiartuinnarput, aningaasat nalingisa allanngoriartornerat maanna pissutaanerulluni. Royal Arctic Linelli uuliamut aningaasallu nalinginut tapiliuttagaq juunip aallaqqaataani 2022-mit allannguuteqassanngitsoq toqqarpaa. Uuliamut aningaasallu nalinginut tapiliuttakkap piffissamut uuliap akiisa aningaasallu nalingisa qaffariataartarnerinut malinnaasinnaasimannginneranut akiliuteqarnissamut tapiliuttakkap maanna atuuttup qaffasissusia naammappoq, oqimaaqatigiissitseqqinnissamullu piffissaq sivisunerulaarsinnaassalluni. Ineriartorneq malittareqqissaarparput juulillu aallaqqaataani 2022-mi qanoq naleqqussaasoqassanersoq juunip ingerlanerani nalilersuiffigiumaarlutigu.

Uuliamut aningaasallu nalinginut tapiliuttagaq uuliap akiisa aningaasallu nalingisa nalorninartoqarnerinut ingerlatseqatigiiffik isumannaallisarniarlugu atorneqarpoq Royal Arctic Linemullu iluanaaruteqarfiunani.