Uuliamut aningaasallu nalinginut tapiliuttagaq Royal Arctic Linep naleqqussarpaa

Royal Arctic Linep orsussamut akiliutai upernaarli qaffakkiartuinnarput, niuerfiup ineriartornera pissutaalluni.

Royal Arctic Line uuliamut aningaasallu nalinginut tapiliuttakkamik (BAF/CAF, bunker and currency adjustments factors) juunip qaammataani naleqqussaanngilaq juulillu aallaqqaataani 2022 aallarnerfigalugu 29,54%-inngortillugu naleqqussartariaqalerlugu. Nunarsuarmi uuliamut akit aningaasallu nalingini qaffassimanerat tamatumunnga pissutaavoq.

Tapiliuttagaq maannakkorpiaq 23,25 %-iuvoq.

Tapiliuttagaq nalileeriaaseq 2010-meersoq, uuliap akianut aningaasallu nalinginut agguataarsimasoq, taakkulu akiisa allanngorarnerannut malinnaatinneqartoq, tunngavigalugu naatsorsorneqartarpoq.

Imaatigut assartuinermut suliarineqarnerannullu akiusoq ullumikkut 2.000 koruuniusimappat, taava uuliamut aningaasallu nalinginut tapiliuttagaq taakku qaavisigut 591 koruunit akiliutigineqassapput.

Uuliamut aningaasallu nalinginut tapiliuttagaq uuliap akiisa aningaasallu nalingisa nalorninartoqarnerinut ingerlatseqatigiiffik isumannaallisarniarlugu atorneqarpoq Royal Arctic Linemullu iluanaaruteqarfiunani.

BAF/CAF pillugu apeqqutissaqaruit immikkut KAM-erisannut saaffiginninnissannut tikilluaqqusaavutit imaluunniit e-mailitsinnut toqqaannartumik saaffiginnillutit: kam@ral.gl

Uuliamut aningaasallu nalinginut tapiliuttagaq pillugu uani paasisaqarnerusinnaavutit: BAF/CAF