Uuliamut aningaasallu nalinginut tapiliuttagaq Royal Arctic Linep naleqqussarpaa

Royal Arctic Linep oktobarip aallaqqaataani 2021 atuutilersumik uuliamut aningaasallu nalinginut tapiliuttagaq (BAF/CAF, bunker and currency adjustments factors) naleqqussarniarpaa 6,30 %-inngortillugu.

Tapiliuttagaq maannakkorpiaq 4,4 %-iuvoq.

Tapiliuttagaq nalileeriaaseq 2010-meersoq, uuliap akianut aningaasallu nalinginut agguataarsimasoq, taakkulu akiisa ineriartornerannut malinnaatinneqartoq, tunngavigalugu naatsorsorneqartarpoq.

Orsussap akia 2020-p qiteqqunneraniilli qaffakkiartorsimavoq, orsussallu maannakkorpiaq akia 1,92 %-inik tapeqartitsinissamik kinguneqarpoq, aningaasallu nalinginut tunngatillugu 2,75 %-inik tapeqartitsinissamik kinguneqarluni.

Orsussat akiisa 2020-p affaani kingullermi qaffakkiartornerat aamma Royal Arctic Linep sullissaminit pisassaqarneranik kinguneqarpoq. Pisassat taakku qaammatinut 12-inut agguataarlugit isertinneqassapput, tapiliussamullu 1,63 %-inik sunniuteqartitsillutik.

Imaatigut assartuinermut suliarineqarnerannullu akiusoq ullumikkut 2.000 koruuniusimappat, taava uuliamut aningaasallu nalinginut tapiliuttagaq taakku qaavisigut 126 koruunit akiliutigineqassapput.

BAC/CAF pillugu apeqqutissaqaraanni sullitanik kiffartuussivipput attavigineqarsinnaavoq: kundeservice@ral.gl

Uuliamut aningaasallu nalinginut tapiliuttagaq pillugu uani paasisarnerusinnaavutit: BAF/CAF