Royal Arctic Linemi sullissinermut pisortaq nutaaq

John Aage Nielsen, septembarip aallaqqaataa aallarnerfigalugu Royal Arctic Linemi Costumer Service & Salesimi sullissinermut pisortatut atorfinippoq.

Johnip sullissinermut pisortatut umiarsuaatileqatigiiffiup ulluinnarni sullitanik kiffartuussinera nalinginnaasoq, data quality management kiisalu key account management akisussaaffigissavai CCO Niels Clemensenillu ataani inissisimassaaq.

John RAL-imi 2020-mi marsip aallaqqaataani sulilerpoq Nuummi Key Account Manageritut atorfeqarluni, inuttullu inussiarnersutut nukissaqarluartutullu sullitatsinnillu attaveqateqallaqqissutut ilisimaneqarpoq, kalaallisullu, danskisut tuluttullu ingerlassinnaallugu. Johnip aamma VSA-mik suliniut annertuumik suleqataaffigisimavaa suleqatigiinnerup iluani periaasissanik aalajangersaanermik kiisalu DHL Lineragencyp suleqatigilernissaanik suliaqarsimalluni.

John Nuummi umiarsualivittaami RAL-ip Qeqertanut 44-46-mi allaffeqarfiani allaffeqarpoq.

John pilluaqquarput RAL-illu iluani sullitavullu pillugit suleqatigilluarnissaanut qilanaarpugut.

John attavigineqarsinnaavoq oqarasuaatikkut +299 34 91 13 - mobilikkut +299 54 78 48 - E-Mailikkullu johni@ral.gl