Islandimi DHL Liner Agency suleqatigilerparput

Royal Arctic Linep DHL Liner Agency umiarsuaatileqatigiiffik sinnerlugu Islandimi agentitut sullissisussatut isumaqatigiissuteqarfigaa. DHL Liner Agencyimut isumaqatigiissutip taamaalilluni Eimskipimut, Royal Arctic Line sinnerlugu Islandimi 1993-imiilli agentitut sullissisumut, isumaqatigiissutaasoq taarserpaa.

DHL Liner Agencyimut isumaqatigiissutip imaraa Islandip Nunattalu akornanni nassiussanik tamalaanik (LCL) inniminniinerit, nassiussanik tigusineq, nassiussalerineq, poortuineq tunniussinerlu.

Isumaqatigiissutip malitsigisaanik sullitavut septembarip 29-ani 2021-mi atuutilersumik nassiussanik tamalaanik (LCL) DHL Liner Agencyip Hafnarfjörðurimi terminalianut inniminniisassapput tassanilu aamma tunniussillutillu aallertassallutik.

Taamaammat septembarip 29-ani 2021-mit Eimskipip Reykjavikimi terminalianut nassiussanik LCL-inik tunniussisoqarsinnaassanngilaq.

Sullitat containerinik ilivitsunik (FLC) inniminniiniartut aamma Islandimi DHL Liner Agency saaffigissavaat, FCL-inilli nassiussassanik Eimskipip Reykjavikimi terminalianut toqqaannartumik tunniussisarnerat atuutiinnassaaq.

DHL Liner Agency Terminal (nassiussanik tamalaanik tunniussineq aallernerlu):

Sumiiffia: Rax ehf. Suðurhella 5, 221 Hafnarfjörður, Ísland

Ammasarfiit:

Ataasinngornermit Tallimanngornermut nal. 09:00-17:00

Arfininngornikkut sapaatikkullu matoqqassaaq.

Sullitanik kiffartuussivik (Liner Agency Reykjavik)

Oqarasuaat: +354 535 1179

Sullitanik kiffartuussiviup e-mailia (Liner Agency Reykjavik)

E-mail: ralbooking@dhl.com

Sullitat Islandip Nunattalu akornanni nassiussassaqartut umiarsuup aallarfissaa kingusinnerpaamik sapaatip akunneranik sioqqullugu e-mailikkut inniminniinissamik noqqaassummik DHL Liner Agencyimut nassiussissapput, Islandimit nassiussanut tunngatillugu. Nunatsinnit nassiussanut inniminniinerit tunniussinissamullu piffissaliussat nalinginnaasut atuupput.

DHL Liner Agency sullissisoralugu Islandimit Nunatsinnut umiarsuakkut nassiussineq siulleq pissaaq Brúarfossip angalanerani 136-mi (ingerlaarfik aappaluttoq).