Kommunit puttasuutaannik qaqitsisarneq singitsisarnerlu

Royal Arctic Line pilersuinerup isumannaassusia illersorumallugu 2021-p ingerlanerani aalajangerpoq umiarsualivinni Royal Arctic Linep containerinut atortorissaarutai siunertamut naatsorsuussaanngitsut atorlugit umiatsianik allanillu suliaqartarneq unitsinneqassasoq.

Taamatut suliaqarnerit sulisunut allanullu aarlerinaateqarsinnaasutut nalilerneqarput, atortullu pingaaruteqarluinnartut aserortoorutigineqarsinnaanerat aamma aarlerinaateqarmat naggataagullu containerit isumagineqarsinnaajunnaarnerisigut umiarsuit aqqusaartarnerannut aamma akornusiisinnaalluni.

Kommunilli ilaanni illoqarfinni sikusartuni puttasoqarnera, taakkulu qaqinnissaannut singinnissaannullu sumiiffimmi allanik atortorissaaruteqannginnera paasivarput.

Royal Arctic Line taamaammat aalajangerpoq puttasut kommuninit pigineqartut attaveqaasersuutitut matumuuna nalilerneqartut singinneqarsinnaasut qaninneqarsinnaasullu piumasaqaatit immikkut ittut naammassineqarsinnaappata, tamannalu kommunit teknikkimut ingerlatsiviinut ilisimatitsissutigineqareerpoq.

Kommunit puttasuutaannik qaqitsineq singitsinerlu umiarsuit kivittaataat atorlugit taamaallaat pisinnaavoq. Atortut pingaaruteqarluinnartut allat, soorlu reachstackerit og gaffeltruckillu siunertamut sanaajunngitsut, atorneqaqqusaanngillat.

Ukioq imaalereermat sikujartulernissaa pillugu qulaani allaaserineqartut utaqqiisaasumik aaqqissuussinertut isigineqassapput ileqqussanngortinneqarnissaallu 2022-mi upernaap ingerlanerani ingerlateqqissavarput.

Royal Arctic Linemit illoqarfinni nunaqarfinnilu taamatut aamma ikiusinnaanerput nuannaarutigaarput.