LCL-it nillataartitat qerisullu suliarineqartarnerat Århusimut nuunneqassaaq

Nunatsinnut Nunatsinniillu nillataartitanik qerisunillu LCL-inik nassiussat 2021-mi novembarip aallaqqaataanit atuutilersumik Århusimi tunniunneqarlutillu aaneqartalissapput.

Nassiussanik nillataartitanik qerisunillu LCL-inik Århusimi tunniussisoqartalerneratigut Nunatsinnut assartornerat ullunik marlunnik sivikillineqassaaq.

Assartuinerup sivisussusiata, pingaartumik nioqqutinut nillataartitanut asiujanerusunut tunngatillugu, pitsanngorsarnissaanik kissaateqarneq pissutigalugu, Royal Arctic Linep nassiussanik pineqartunik tunniussisarneq aallertarnerlu Århusimut novembarip aallaqqaataanit atuutilersumik nuunniarpaa.

Taamatut allannguuteqartitsinerup malitsigisaanik umiarsuup aallannginnerani nassiussat nillataartitat qerisullu suliarineqarnissaannut ulluinnaat tulleriit aamma amerlanerussapput, umiarsuaq Århusimit tallimanngornikkut aallartarmat Aalborgimit pingasunngornikkut aallartarluni.

Nassiussanik tunniussisarnerup aallertarnerullu Århusimi pisalerneratigut nassiussanik tigusisarneq tunniussisarnerlu Royal Arctic Linep sulisuinit isumagineqartarunnaassaaq. Frode Laursen A/S nillataartitanik nassiussalerineq pillugu isumaqatigiissuteqarfigineqarpoq, Agri-Norcold A/S-ilu qerisunik nassiussalerineq pillugu isumaqatigiissuteqarfigineqarluni.

Siunissami nassiussalerisarnermut paasissutissat sukumiinerusut ingerlaavartumik nalunaarutigineqarumaarput. 

Annertunerusumik paasisaqarusukkuit attavigiuk Ingerlatsinermut pisortaq Ivalu Kleist oqarasuaat 34 92 03 imaluunniit mail ikl@ral.gl