Piffissaq ulapinnerpaaffiusoq Royal Arctic Linemi malugisinnaalluarparput

Piffissaq ulapinnerpaaffiusoq Royal Arctic Linemi malugisinnaalluarparput, maannakkorpiarmi inniminniinerit takkussortut imaaginnavipput.

Piffissap ulapinnerpaaffiup nalliusimanera ilaatigut containeriutitta tamakkiisumik atorneqarnerinik kinguneqartarpoq, imarpikkut sinerissamilu ingerlaarfinni.

Umiarsualivinnilu akunniffiusunit uternissaasa sivisunerunerat ilanngukkaanni containerit ingerlaartinneri tamakkiisinneqalersarput.

Containerit sumiiffinnut pisariaqartinneqarfiinut apuunniarnissaat Royal Arctic Linep sapinngisani tamaat sulissutigaa.

Maannakkorpiarlu sullitatta malugisinnaavaat Aalborgimit containerit pineqartut killeqalernerat; 20’ Dry Containerit, 20’ Flatrack Containerit aamma 40’ High Cube containerit. Taamaammat inniminniinernut ataasiakkaanut containerinik pissarsiassaqarnersoq apeqqutaatinneqartassaaq.

Tukuma Arcticap angalanerani 126-mi Aalborgimut juulip 12-iani tikissangatinneqartumi containerit amerlanerusut apuunneqassapput taamatuttaarlu kingornatigut aqqusaarnerni.

Containerit pillugit qanoq inissisimasoqarnera sullitatsinnut ingerlaavartumik ilisimatitsissutigisarumaarparput nittartakkatsinni.

Sullitatsinnut pisarissersuutaanera ajuusaarutigaarput.