Uuliamut aningaasallu nalinginut tapiliuttagaq Royal Arctic Linep naleqqussarniarpaa

Royal Arctic Linep januaarip aallaqqaataani 2022-mi atuutilersumik uuliamut aningaasallu nalinginut tapiliuttagaq (BAF/CAF, bunker and currency adjustments factors) naleqqussarniarpaa 13,6 %-inngortillugu.

Tapiliuttagaq maannakkorpiaq 6,3 %-iuvoq.

Tapiliuttagaq nalileeriaaseq 2010-meersoq, uuliap akianut aningaasallu nalinginut agguataarsimasoq, taakkulu akiisa allanngorarnerannut malinnaatinneqartoq, tunngavigalugu naatsorsorneqartarpoq.

Orsussap akia 2020-p qiteqqunneraniilli qaffakkiartorsimavoq. Orsussallu akiisa 2020-p affaani kingullermi qaffassimanerat Royal Arctic Linep sullitaminit pisassaqarneranik kinguneqarpoq. Pisassat taakku qaammatinut sisamanut agguataarlugit isertinneqassapput.

Imaatigut assartuinermut suliarineqarnerannullu akiusoq ullumikkut 2.000 koruuniusimappat, taava uuliamut aningaasallu nalinginut tapiliuttagaq taakku qaavisigut 272 koruunit akiliutigineqassapput.

BAF/CAF pillugu apeqqutissaqaruit immikkut KAM-erisannut saaffiginninnissannut tikilluaqqusaavutit imaluunniit e-mailitsinnut toqqaannartumik saaffiginnillutit: kam@ral.gl

Uuliamut aningaasallu nalinginut tapiliuttagaq pillugu uani paasisaqarnerusinnaavutit: BAF/CAF