Assartukkat aalajangersimasut ilaannut momsiliisarnermut periuseq nutaaq
Pisiortortunut aqqutaani assartuisarnermut isumaginnittunut momsi ilanngullugu akiligassarsiisalissapput
2017-imi EU-mi eqqartuussivikkut aalajangiinerup kingorna, Danmarkimi assartukkanut akitsuutinik qalleqqiuteqanngitsunik (momsfri) EU-mut EU-millu assartukkanut tunniussisarnermut periusiusartut allanngorput. Taamatut allannguineq isumaqarpoq pisiortortunut pilersuisartut akiligassiiniarunik momsimut akiligassiigaangamik fakturaliaminnut ilannguttalissagaat.
EU-p eqqartuussiviani sammisaq C-288/16, L.C tunngavigalugu juuni qammat 2017-imi aalajangerneqarpoq EU-p killeqarfiini avasinnerusuni tamani nioqqutissat eqqussukkat avammullu tunisassiat assartorneqarneranni momseqanngitsumik nassiussisumut tigusisumulluunniit taamaallaat akiligassiissoqartassasoq, assartukkat toqqaannartumik nassiussisumut tigusisumulluunniit akiligassiissutigineqarpata taamaallaat.
Tamanna danskit periusiannut maannamut atuuttumut naapertuutinngilaq, tassami pisisoq apeqqutaatinnagu kinaluunniit momseqanngitsumik assartuinerit tamaasa eqqarsaatigalugit akiligassinneqarsinnaanikuugaluarmata. Tamatuma nassatarisimavaa pisiassanik piginnittumut isumaqatigiissuteqarlutik aqqutaani assartuinermik isumaginnittut aamma momsitaqanngitsumik akiligassarsiisarsimagaluartut, assartuussisarnerammi nioqqutissanut eqqussukkanut avammullu tunisassianut atasutut isigineqarsimammata.
Danmarkimi akileraarusersuisarfik EU-mi eqqartuussivikkut aalajangiisimaneq tunuliaqutaralugu innersuusiorsimavoq qallunaat periuserigaluat maanna EU-mi aalajangikkamut naapertuuttunngortittariaqartoq. Tamanna atuutilerpoq decembarip 22-anni 2021-mi.
Tamatuma nassataraa siunissami akiligassiisoqassatillugu piumasaqaataalissasoq nioqqutissat eqqussukkat avammullu tunisassiat momsitaqanngitsut eqqarsaatigalugit assartorneqarpata, taakku nassiussisumut tigusisumulluunniit toqqaannartumik akiligassiunneqartalissasut. Tamanna assersuutigalugu isumaqarpoq, assartuussinermik isumaginnittoq qallunaajusimappat assartuisumut qallunaajusumut momsitaqanngitsumik akiligassiussisinnaajunnaassasoq, assartuisoq pisianik nassiussisumut tigusisumulluunniit akiligassisuusimappat. Assartuussinermik isumaginnittoq sinnerlugu assartuisutut tapiissutaasartut maannamiit periuseq nutaaq naapertorlugu malittarisassaq pingaarneq atorlugu assartuisuugaanni qallunaajullunilu, taava ima akiligassiissusiisoqartalissaaq;
- Pisisunut qallunaanut qallunaat momsiat atuutissaaq,
- Pisisartunut EU-meersunut momsiligassatut nalunaarsorsimasunut momsitaqassanngilaq (”reverse charge”), aamma
- EU-p avataani pisisunut momsilernagu.
Periarfissaqarpoq assartuisut arlaliugaanni assartuinermut tapiissutit momsitaqanngitsut ataatsimoorullugit EU-p killeqarfii akimorlugit assartortitsinermi atussallugit. Taamaattoq piumasaqaataavoq assartuussisut ataasiakkaarlutik nassiussisumut tigusisumullu immikkut isumaqatigiissusiussasut aamma akiligassiissutitut nassiussinissamut tunngatillugu.
