Umiarsuit nutaat ingerlaarfinnut inissipput
Nunatta Avannaata kitaani Royal Arctic Linep umiarsuaataasa nutaat atuutilerneranni Ingerlaarfik Aappaluartoq - Pink linje - Qeqertarsuup Tunuani Aasiannilu atuuttoq, allanngortinneqarpoq.
Anguteq Ittuk Ingerlaarfimmit Aappaluartumit peerneqarpoq ingerlaarfitoqaalu tamarmi Ivalo Arcticamit, angalaneq 129-mit, tiguneqarpoq. Ivalo Arcticamut pilersaarutaasimasoq taamaalilluni aamma atorunnaarpoq.
Anguteq Ittuk Nunatta Kujtaanukarpoq (Ingerlaarfik Kajortoq) Angaju Ittuullu angalaneranit 130-mit atuutilersumik Kujataani ingerlaalerluni. Angaju Ittuk Royal Arctic Linep ingerlaarfiinit peerneqavippoq.
Nassiussassat Ingerlaarfimmut Aappaluartumut angalanermut 129-mut assartugassatut inniminnerneqareersimasut Royal Arctic Linep ingerlaarfiinut nutaanut inniminnerneqarput. Allannguineq tunniussinissamut killiliussamut ullunullu apuuffissaannut sunniuteqarsinnaavoq.
Inniminneriikkanut allanngortinneqartunut nassiussisimanermut uppernarsaatit nutaat Royal Arctic Linep nassiussisunut nassiutissavai.
Ingerlaarfimmi Kajortumi allannguutit tassatuaapput umiarsuup ingerlaarfiullu aqqi. Tikiffissatut ulluliussat allanngunngillat.
Nunaqarfinnut ingerlaarnissamut pilersaarutit nutaat nittartakkatsinni takuneqarsinnaapput:
https://www.ral.dk/sejlplaner/
https://www.ral.dk/media/1127302/2021-masterplan-bygder-vers-39.pdf
https://www.ral.dk/media/1127301/2021-pink-linje-vers-39.pdf