Umiarsuit kinguaattooqqapput

Teknikkikkut unammillernartut, nassiussat annertunerat kiisalu silap unerisimannginnera pissutigalugit nassiussat Kujataani, Avannaani Tunumilu apuunnissaat kinguaattoorutigineqarpoq.

Angaju Ittuk Kujataani nunaqarfinnut pajuttuisoq suli angalasinnaanngikkallarpoq. Pilersaarutillu malillugit Angaju Ittuup Kujataani angalanissai Aqqaluk Ittummit isumagineqalertussaapput umiarsuarli silarlunnera pissutigalugu Tasiilami maannakkorpiaq sapernuvoq. 

Nanoq Arcticap Tasiilamut tikinnissaa Tunumi silarlunnera pissutigalugu aamma kinguaattooqqavoq. 

Pilersaarutit malillugit Nanoq Arcticap Tasiilap Reykjavikkillu akornanni angalalernissani sivisuumik utaqqinneqartoq aallartittussaagaluarpaa, Reykjavikkiliannginnerminilu silagissinissaa utaqqimaaqqaassavaa taamaattumillu Kujataani nunaqarfinnut nassiussat apuussornissaat isumageqqaassallugu. 

Upernavimmut nassiussat apuunniarnissaat aamma unammillernartuuvoq. Ilaatigut nassiussat annertunerat silallu unerisimannginnera pissutigalugit pilersaarut kinguaattoorfiuvoq. Upernavimmut pigisaanullu ukiuunerani peqqumaatissat Royal Arctic Linemit apuutinngitsoornissaat ilimagineqanngilaq, Upernaviullu nalaa piffissamilu aggersumi sikujartulernissaa immikkut nakkutigaarput.

Uummannamut Qeqertarsuullu Tunuanut nassiussanik apuussuinerit sunnerneqaratik ingerlanneqarput.

Royal Arctic Linep sikusartunut ukiuunerani peqqumaatissanik pajuttuinerit maanna ingerlatileruttorpai. Sumiiffinni sikoqarnera ullut tamaasa malittaraarput, ilaatigullu nassiussat annertunerat, silap unerisimannginnera imaluunniit sumiiffinni ingerlatsinikkut pissutsit pissutigalugit kinguaattoorutaasut ilungersorluta angummanniarfigaagut.