Malik Arctica Ittoqqortoormiinut suli tikissinnaanngilaq

Ittoqqortoormiit nalaanni sikoqassuseq ippassamut naleqqiullugu annertunerusumik allannguuteqanngilaq. Umiarsuaq Ittoqqortoormiit avataanniippoq illoqarfiullu tikinnissaanut taamatullu ukiornissaanut peqqumaatissat usingiarnissaannut pissutsit pitsanngornissaat utaqqivoq. 

Umiarsuup illoqarfimmut tikissinnaannginneranut arlalinnik puttaarsuaqarneranik pissuteqarpoq, 2-3,4 km-inik takissuseqarput meterinillu marlunnik annertunerusumilluunniit issutigalutik. Puttaarsuit taakku ilaat ataaseq illoqarfimmut qanittuararsuarmiippoq ikkarleqqarpasillunilu, kaanngarlunilu illoqarfiup tungaanut illuariartulissagaluarpat tunuanut peratarsinnaanerput Royal Arctic Linemit pinngitsoortikkusupparput. 

Umiarsuup, inuttat usillu isumannaallisarnerat pingaarteqaarput, sillimaniarnikkullu illersorneqarsinnaaneranik nalileeriarutta illoqarfiup tikinniaqqinnissaa qularineqassanngilaq.

Marlunngornerup unnuaani avannaq-kangisimmik anorlerluni sikup anillaakkiartortitsinissaa Royal Arctic Linemit neriuutigigaluaratsigu, ajoraluartumilli taama pisoqanngilaq. Sisamanngorpat unnuakkut avannaq-kangisimmik anorersuarnissaa naatsorsuutigineqarpoq, taamaalippallu sikup kangerlummit anillaannissaa neriuutigaarput taamaalilluta illoqarfik tikissinnaanngussagatsigu.