Covid-19 INFO

Asasavut sullitavut

Ingerlatsinerup nunatsinnullu pilersuisussaatitaanerup isumannaarnissaannut makkuninnga maannakkut suliniuteqarluta Royal Arctic Linemit paasissutissiissutigissavarput.

Pingaaruteqarpoq erseqqissaatigissallugu umiarsuit tamarmik pilersaarutit malillugit angalammata, umiarsuillu ilaat Covid-19-ip tunillaassuunneranik eqqugaassagaluarpat tamatumunnga upalungaarsimaniarnermut pilersaarusiortoqareermat.

Tunillaassuuttoqarsinnaaneralu annikillisaqqinniarlugu, umiarsuarnut tamanut atuuttumik ulluni tulliuttuni 14-ini inuttanik taarsersuisoqassanngilaq.

Nunatsinni:

• Assartugalerisut avissaarsimatinneqarput, piffissanilu assigiinngitsuni suliartortarlutik
• Holdit tamarmik immikkut nalunaaquttap akunnerini 8-12-ikkuutaartumik usingiaallutillu usilersuisinnaapput, tamannalu qanoq sivisutigisumik utaqqinissamut sunniuteqarsinnaavoq
• Suleqatigiiaat arlallit periarfissaatillugu angerlarsimaffimminnit sulitinneqarput
• Suliffimmut atatillugu angalanerit pisariaqavissuunngitsut tamaasa sapaatit akunnerata siuliani unitsinneqarput.
• Sullitat amerlanerpaamik sisamat allaffimmiissinnaanerinik erseqqissaateqarluta umiarsualivinni tamani allagarsiissaagut

Aalborgimi:

• Terminalimi quersuarmilu sulisut holdinut marlunnut avinneqarlutik avissaarsimatinneqassapput, piffissanilu assigiinngitsuni suliartortarlutik
• Holdit tamarmik immikkut nalunaaquttap akunnerini 8-12-ikkuutaartumik usingiaallutillu usilersuisinnaapput, sullitalli ataasiakkaat qanoq sivisutigisumik utaqqinissaannut tamanna sunniuteqarsinnaavoq
• Suleqatigiiaat arlallit periarfissaatillugu angerlarsimaffimminnit sulitinneqarput

Tamatuma saniatigut sullitanut tamanut kajumissaarutigissavarput – sapinngisamik – oqarasuaatikkut mailikkulluunniit attaveqarfigisaqqulluta. Sullitavut sulisuvullu eqqarsaatigalugit taama kajumissaaruteqarpugut.