Aalborgimi suleriaaseq nutaaq

Asasarput sullitarput

Kalaallit Nunaata pilersorneqarnerani ingerlatsineq pilersuisussaatitaanerlu qulakkeerniarlugit massakkut sukaterinerit makku atuuttussanngortinneqarmata Royal Arctic Linep nalunaarutigaa.

Aalborg:

• Vejdybet 16-imi quersuaq ataasinngorpat marsip 23-anniit sullitanut biilillu aqutsisuinut iserfigeqqusaajunnaassaaq.
• Suleriutsimi nutaami isaaffimmut apuunnermi usingiaasarfik/usilersorfik tikkuunneqartoq orninneqassaaq, tassanilu nassiussassat/aasassat allagartaat kalittakkamut ilineqassapput, usingiaasarfimmut/usilersorfimmut kinguporsulinnginnermi.
• Royal Arctic Linep sulisuisa latsbiili imaassavaat, kingornalu allagartat uppernarsaatit kalittakkamut ilillugit.
• Taamaaliornitsinni nassiussassat suunerinik allattuiffissat eqqortumik immersorsimanissaat aatsaat taama pisariaqartigaaq, sulisugullu nalornisuussagunik nassiussassat tigujumaneqassanngillat.

Immitsinnut paareqatigiinnissarput pillugu taamaaliorpugut.

Tamatuma saniatigut sullitavut tamaasa kajumissaarpagut – periarfissaqarnikkut sapinngisaq tamaat atorlugu – oqarasuaatikkut mailikkulluunniit attaveqarfigisaqqulluta.

Sullitavut suleqativullu isumannaatsuunissaat taamaaliornikkut eqqarsaatigaarput.

Paasinninnissinnut qujalluta.