Uuliamut aningaasallu nalinginut tapiliuttagaq Royal Arctic Linep appartippaa

Juulip aallaqqaataaniit uuliamut aningaasallu nalinginut tapiliuttagaq (BAF/CAF-imik, bunker and currency adjustments factors-imik taaguutilik), Royal Arctic Linep appaaffigaa. Ullumikkut nassiussinermi akiusup qaavatigut 6 procentit tapiliunneqartarput. Juulip aallaqqaataaniit procentit 3-t ilanngaatigineqassapput, tassa procentpointit 9-t nalingannut appaavugut.

Tassa immakkut assartuinermut suliarineqarnerannullu akiusoq ullumikkut 2000 kroniusimappat, taava uuliamut aningaasallu nalinginut tapiliuttagaq taakku qaavisigut 120 kronit akiliutigineqassapput. Juulip aallaqqaataaniit immakkut assartuinermut suliarineqarnerannullu akimit 60 kronit ilanngaatineqassapput. 

Allannguineq uuliap akiata US dollarillu nalingata apparsimanerannik tunngaveqarpoq. Tapiliuttagaq Nunatsinnut, Nunatsinniit Nunattalu iluani assartugassanut tamanut atuuppoq, Royal Arctic Linellu iluanaarutigineq ajorpaa. Tapiliuttakkap apparneqarsinnaaneranik ilimatsatsitsisumik piffisap kingulliup ingerlanerani uuliap akia appariartuinnavissimavoq. Maanna akit nikeraqisut aalajaatsumut inissittutut immata tamanna periarfissanngorsimavoq.

Uuliap akia tassanngaannaq qaffapiluussanngippat, akillu aalajaatsut atuutsikkusukkatsigit, akiusut nutaat piffissami sivisuumi atuutsissallutigit ilimagaarput.

Paasissutissat amerlanerusut Royal Arctic Linep nassiussassanut inniminniisarfiini nassiussassanullu saaffiginnittarfiini pineqarsinnaapput.