Royal Arctic Line siunissamilu ingerlaarfissat nutaat

Royal Arctic Linep, Kalaallit Nunaata ajornannginnerusumik niueqatigineqarsinnaanngornissaa pillugu anguniakkaminut atatillugu niueqatigiinnikkut ingerlaarfissat nutaat, ilaatigut USA-mukartut, taagamigit siunissami islandimiut umiarsuaatileqatigiiffianik Eimskip-imik suleqateqarluni ingerlaarfinnut ammasunut, ilaatigut Reykjavik aqqusaarlugu Nuummiit Nuummullu sapaatip akunnikkaartumik tikittalernissaq aallartalernissarlu pivaa. Reykjavik ullumikkut nunarsuup sinneranut attaveqareerpoq ingerlaarfiit arlallit iluaqutigalugit. Ullumikkut Reykjavikimiit Kalaallit Nunaannut ingerlaarnitsinni ingerlaarfiit ammasut sapaatit akunneri pingasut allortarlugit aatsaat ilannguffigisarpagut, taamaattumik ingerlaarfinnut nutaanut peqataalernitsigut niueqatigiinnermi periarfissat nutaat pitsaanerusullu ammaassiffigineqassapput.

Royal Arctic Line nammineq USA-mut ingerlaartalissanngilaq, Royal Arctic Linelu ingerlaarfinnut pioreersunut taakkununnga aningaasaliissanngilaq.

Royal Arctic Linep assartuinermi ingerlaarfiit nutaat atulerunigit Island, Savalimmiut, Danmark, Norge, Sverige kingusinnerusukkullu Polen angusassavai, tassanngaanniillu nunarsuup sinneranut attaveqarfeqarpoq. Attaveqarfiit tamakkorpiaapput niueqatigiinnikkut ingerlaarfinnut, ilaatigut USA-mukartunut, Kangianukartunut allamukartunullu sapaatip akunnikkaartumik ilannguffissagut.

Immakkut assartuilluni periarfissat nutaat, ingerlaartalernissatsinnullu pilersaarutigut nutaat pillugit paasissutissat amerlanerusut takkuttullu saqqummiunneqartarumaarput.