Maskiinarsuarnik iluarsaasartoq

Royal Arctic Line A/S-imi nunalerutinik iluarsaasartut suliassaraat umiarsualivitsinni trucksit, kranit aamma atortut allat aserfallatsaaliornissaat iluarsaannissaallu

Ilinniassavatit atortut gassitortut, hydralikkimik aamma innaallagissamik ingerlatsillit aamma qanoq iliorlutit maskiinanik ingerlaavartumik aserfallatsaaliinissaq, taamaaliornikkut tamatigut atorneqarnissaminnut piareersimaniassammata.

Ilinniarnerup ingerlanera
Ilinniartitaaneq ukiunik sisamanik sivisussuseqarpoq, ingerlanneqartarporlu atuarfimmiinneq Nuummi Saviminilerinermik Ilinniarfimmi aamma umiarsuaatileqatigiiffiup saffiorfiini Nuummi, Aasianni aamma Sisimiuni paarlakaallugit ingerlanneqartarpoq. Ilinniartitaanerup ukiua siulleq qaangiupput atuarfimmiinnerit Danmarkimi Aarsimi ingerlanneqartarput.

Royal Arctic Linemi
Royal Arctic Linemi ilinniartutut saffiorfimmi angisuumiissaatit ulapiffiusumik sulisunut aamma ilinniartunut annertuumik piumasaqaateqarfiusumi, taamatuttaaq sulineq ulluinnarni pissanganartoq aamma ulapiffiusoq. Aalajaatsuuneq, peqataarusussuseqarneq aamma suliassanik suliarinninnissamut ulluinnarni piareersimaneq pingaartinneqarput.

Ilinniarnertuunngorniarfimmi soraarummeersimaguit nunalerutinik iluarsaasartutut ilinniaqqillutit ingerlaqqiffigisinnaavatit produktionsteknolog, maskinmesteri imaluunniit diplomingeniør.

Qinnuteqaat
Royal Arctic Line A/S-imi ilinniartunngornissamik imaluunniit lærlinginngornissamik qinnuteqaatit atorfiit inuttaqanngitsut aqqutigalugu nassiunneqassapput sungiusaatigalugu suliffissaq pillugu allagarsiussarput innersuussutigalugu.