IT-supporteri

IT-mut immikkoortortaqarfik qitiusumik Nuummi inissisimavoq aamma tamaanngaanniit suliffeqarfiup IT-mut atortui tamarmik umiarsuarniittut aamma sinerissamiittut suliarineqartarput. IT-mik supporteritut ilinniartutut ulluinnarni sulisunik ikiuisarnermut peqataassaatit suliffeqarfiup immikkoortortaqarfiini amerlasuuni

Ilinniartutut pingaaruteqarpoq netværkinut atortunut tunngatillugu paasinninnissamik annertuumik soqutigisaqarneq, tassa suliffeqarfimmi taamatut annertutigisumik aammattaaq pikkoriffigineqassaaq tamatigut ilisimasassanik pissarsiorsinnaaneq.

Tamatumunnga ilaatigut ilaapput atortunik Windowsimut tunngasunik aserfallatsaaliineq, umiarsuaatileqatigiit qarasaasianut attaveqaataanik, serveriinik aamma applikationiinik suliaqarneq. Tamakku saniatigut routerinik, serverinik Citriximik tunngaveqartunik ikkussuineq aamma konfigurering suleqataaffigissavatit. 

Ilinniarnerup ingerlanera
Ilinniartitaaneq ukiut pingajuat affaq sivisussuseqarpoq ukiup siulliup ingerlanera Nuummi Saviminilerinermut Ilinniarfimmi aamma Nuummi qullersaqarfimmi IT-mut immikkoortortaqarfimmi sungiusarluni ingerlanneqassaaq. Ilinniartitaanerup sinnerani atuarnerit Danmarkimi Mercantec-imi Viborgimiittumi ingerlanneqassapput. Praktikkerinerit Nuummi ingerlanneqarnerussapput taamaattorli periarfissaalluni sivikinnerusumik Aalborgimiissinnaaneq.

Qinnuteqaat
Royal Arctic Line A/S-imi ilinniartunngornissamik imaluunniit lærlinginngornissamik qinnuteqaatit atorfiit inuttaqanngitsut aqqutigalugu nassiunneqassapput sungiusaatigalugu suliffissaq pillugu allagarsiussarput innersuussutigalugu.