Assartugalerisoq

Assartugalerisup Reach Stackeri atorlugu containeri 40 tonsinik oqimaassusilik 20 meterinik qutsitsigisumit aqullugu centimeterialunnguanilluunniit uniornagu inississinnaavaa

Tamatuma saniatigut Royal Arctic Linep umiarsuaatai usilersorlugillu usingiartarpaat, aamma nassiussanik nalunaarsuinermut atortoq (LIMA) atorlugu containerit sumerpiaq inissisimanersoq nanisinnaallugu.

Ilinniartutut ilinniassavatit usinik navianartunik (uloriarnartunik) passussineq, ungersuineq ikiueqqaarneq aamma Reach Stackerimik ingerlatsineq. Aalajaatsuuneq assartugalerisunut pingaaruteqarluinnartuuvoq, tassa assartugalerisut taakkuummata umiarsuit tikinnerini isumannaatsumik aamma pilertortumik sullinneqarnissaannut pingaaruteqarluinnartuusut.

Ilinniarnerup ingerlanera
Ilinniartitaaneq Nuummi Saviminilerinermik Ilinniarfimmi atuarneq ingerlanneqartarpoq kiisalu ilinniagaqarnermut atatillugu sungiusarluni sulineq umiarsuaatileqatigiiffiup umiarsualiviini ingerlanneqartarluni.

Assartugaleristut makkununnga ingerlatsisinnaanernut allagartartaassaatit, biilernermut, truckernermut, kranersuarnik ingerlatsisinnaanermut, usinik navianartunik passussisinnaanermut allagartaq kiisalu 'ingerlatsisinnaanermut allagartat' allallu pisariaqartinneqartut ilinniagaqarnerup ingerlannerani atugassat.

Qinnuteqaat
Royal Arctic Line A/S-imi ilinniartunngornissamik imaluunniit lærlinginngornissamik qinnuteqaatit atorfiit inuttaqanngitsut aqqutigalugu nassiunneqassapput sungiusaatigalugu suliffissaq pillugu allagarsiussarput innersuussutigalugu.