Økonomi & ressourcestyring - AU

Suliaqarneq nuannaraajuk aningaasaqarnermik, kisitsisilerinermik immaqaluunniit avammut nittarsaassineq nuannarilluinnarukku, taava qaffasinnerusumik ilisimatusarnerit Aningaasaqarneq aamma pigisanik nalilinnik aqutsinneq ilinnialerfigissallugu tulluarpoq

Ilinniartitaaneq ukiunik marlunnik sivisussuseqartoq, atuagarsorluni aamma ilinniagaqarnermut atatillugu sulilluni sungiusarluni, taakku paarlakaallugit ingerlanneqartarpoq. Illillu sungiusarneqarnissannik periarfissaqassaatit qullersaqarfimmi, aningaasaqarnermut immikkoortortaqarfimmi, Royal Arctic Havneservicep allaffeqarfiani immaqaluunniit suliffeqarfiup nittarsaassinermut immikkoortortaqarfiani. 

Suliffeqarfik ilinniartunut tamatuminnga sammisartunut annertuumik piumasaqaateqartarpoq, tassa akuttunngitsumik suliassanut ingerlanneqartunut toqqaannartumik peqataatinneqalersarmata. Taamaaliortoqarneratigut periarfissaqassaatit toqqaannartumik peqataanissannut tassa nunatsinni suliffeqarfimmi angisuumi sulianik ingerlatsinernut tunngatillugu.

Aningaasaqarneq aamma pigisanik nalilinnik aqutsinermi qaffasinnerusumik ilisimatusarnermi  ilinniagaq naammassigukku atuagarsornermi ilinniakkamik naammassinnissaatit, taannalu suliffeqarfinni annertuumik piumaneqarpoq, tamatuma kingorna BA-mi aningaasaqarneq aamma pigisanik nalilinnik aqutsinermi nangilluni ingerlaqqinnermi ilinniaqqissinnaavutit.

Qinnuteqaat
Royal Arctic Line A/S-imi ilinniartunngornissamik imaluunniit lærlinginngornissamik qinnuteqaatit atorfiit inuttaqanngitsut aqqutigalugu nassiunneqassapput sungiusaatigalugu suliffissaq pillugu allagarsiussarput innersuussutigalugu.