Umiartorluni umiarsuarmi assistentimut ilinniarneq
Imarsiorluni sulineq pissanganartoq misigerusuppiuk, imarsiorusuppit peqatigisaanillu imarsiortutut sulinermi ilisimasassat tamaasa ilinniarusullugit? Taava skibsassistentinngorniarneq immaqa pilerinartissavat.
Meeqqat atuarfianni inaarutaasumik misilitsissimassaatit naammaginartumik angusaqarfigalugu. 17½-inik ukioqalereersimassaatit, aamma timikkut peqqissuussaatit, nalinginnaasumillu isigisinnaallutillu tusaasinnaassallutit.
Skibsassistentinngorniarneq Imarsiornermik ilinniarfimmi imaluunniit umiarsuarmi ilinniarfiutigisumi tunngaviusumik pissarsiffiulluartumillu ilinniarnermik aallartinneqartarpoq. Ingerlaqqiffissat ataaniittut takukkit:
- Tunngaviusumik ilinniartitaaneq Paamiut – Imarsiornermik Ilinniarfik
- Georg Stage
Tamatuma kingorna Royal Arctic Linep umiarsuaata ilaanni skibsassistentitut sungiussisimanngitsutut ingerlaqqissaatit. Qaammatillu arfinillit akissarsiaqaatigalugu umiartoreeruit inaarutaasumik pikkorissarneq peqataaffigissavat, tamatumalu kingorna qaammatini aqqaneq-marlunni umiartoqqereeruit skibsassistentitut sungiussisimasunngussallutit. Ingerlaqqiffissat ataaniittut takukkit:
Skibsassistentinngoruit aqunngorniarnissamut aamma periarfissaqalissaatit.
Skibsassistentinngorniarneq pillugu uani paasisaqarnerusinnaavutit.