Nassiussat immikkut ittut
Royal Arctic Linep Namminersorlutik Oqartussanit sullissisussaatitaanermut isumaqatigiissuteqarneq tunngavigalugu usinik immikkut ittunik suliaqarneq imaatigullu assartuineq ingerlatsinermut tunngavigisatta pingaaruteqartut ilagaat.
Ukiorpassuarni Kalaallit Nunaata imartaani angalajuarnerput tunngavigalugu annertuumik misilittaqarpugut, uagullu sullitakkatsinnut tunisassiortumiit tigusisussamut aqqutaa tamakkerlugu assartuinissarput, sullissinermi ilisimasaqarnerput, aamma umiarsuaateqarpugut naammattunik usisinnaasunik, eqaatsumillu suleriaaseqarnerput neqeroorutigisinnaavagut.
Umiarsuaatigut nutaaliat kranersuaqarput, taakku ilaqutigalugit nassiussat/usit angisoorsuit ingerlassinnaavagut, aammattaaq umiarsualivinni pisariaqartunik atortoqarfiunngikkaluartuni.
Umiarsuarnik attartortitsineq aammattaaq suliarisartakkatta pingaaruteqartut ilagaat.
Umiarsuarnik attartortitsinermut, containerinik nassiussinermut, usingiaanermut/usilersuinermut, timmisartukkut nassiussinermut, lastbiilinik assartuititsinermut aamma immikkut suliassanik/suliniutinik aaqqissuussinermut immikkut ilisimasalinnik sulisoqarpugut.
Immikkut suliassat/suliniutit iluatsinnissaannut pingaartitavut tassaapput:
- Immikkut suliassap/suliniutip pilersaarusiorneqarnera
- Assartuinermut akigitinneqartut suliamut naleqquttut
- Nakkutigininneq/misissuineq aamma malinnaaffiginninneq
- Immikkut suliamik/suliniummik nalilersuineq
Paasissutissat sukumiinerusut
Royal Arctic Line A/S
Oqarasuaat +45 99 30 32 34
Ineriartortitsineq aamma Assartuineq
Att.: Thomas Albrechtsen
Postboks 8100
DK-9220 Aalborg Øst
Email: tal@ral.dk
Nassiussat immikut ittut
Nassiussat immikkut iliuuseqarfigisassat tassaapput Tunngaviusumik Angalanissamut Pilersaarut malillugu imaluunnit assartuinermi najoqqutassiami piumasaqaatit tunngavigalugit ingerlanneqarsinnaanngitsut, nassiussat angivallaarneri imaluunniit passukkuminaanneri pissutigalugit, imaluunniit tassaasinnaapput usissat assigiiaat amerlasoorsuit.
Assersuutigalugu pineqartut tassaasinnaapput "kivitassat oqimaatsut" imaluunniit angallatit anginerit, maskiinat aalisariutillu il.il.. Nassiussanut immikkut iliuuseqarfigisassanut aamma ilaasinnaapput nassiussat immikkoortitaanerannut allanut ilaanngitsut taamaakkamillu immikkut isumagisariaqartut imaluunnit iliuuseqarfigisariaqartut.
Nassiussat immikkut iliuuseqarfigisassat RAL-ip/RAB-ip nalinginnaasumik Tunngaviusumik Angalanissamut Pilersaarutaa malillugu Kalaallit Nunaanni tikiffigisartakkat avataannut ingerlanneqartussaatillugit assartuinermut najoqqutassiaq atuuttoq malinneqassanngilaq, kisianni assartuinermut akiliisitsisoqassaaq pissutsit suliassamut tunngassuteqartut suuneri, piumasaqaatit aamma aningaasartuutit tunngavigalugit.
Assartuinermi piumasaqaatit
Assartuinissamut periarfissat akigititassallu pineqartut tunngavigalugit immikkut aalajangerneqartassapput assartuinermut sulinermullu piffissaq atorneqartoq kiisalu atortussat atorneqartut tunngavigalugit. Nassiussat qanoq ittuunerat apeqqutaatillugu (oqimaassusiat, angissusiat sumunnaassassaanerallu) Royal Arctic Line angallassinermi immikkut imminut piumasaqaateqarsinnaatippoq, aammattaaq nassiussat kivinneqarnissaannut kivitsissutissaata ilaqartinneqarnissaat piumasarisinnaallugu.
Nassiussassatut allatsitsineq (booking)
Nassiussat immikkut iliuuseqarfigisassat taamaallaat nassarneqarsinnaapput Royal Arctic Linemut nalunaarutigineqarsimagunik akuerineqarlutillu. Nalunaarutigineranni ilanngullugit nalunaarutigineqassapput nassiunniakkat uuttuutaat eqqortut (takissusiat, silissusiat portussusiallu), poortuutaat ilanngullugit oqimaassusiat, aammattaaq angallassinermi immikkut piareersaataasinnaajunnartut ilanngullugit.
Usit immikkut iliuuseqarfigisassat pillugit saaffiginninnerit tamarmik Royal Arctic Linep ineriartortitsinermut immikkoortortaqarfianut Aalborgimiittumut pisassapput.
Allat
Assartuinerit tamarmik Royal Arctic Linep assartuinermi aalajangersagaani kapitali 9-mi allassimasut malillugit pissapput. Malugiuk akisussaaneq Imarsiornermi Inatsit (Søloven) naapertorlugu killeqarmat.