Nassiussassat tunniutinngitsuukkat
Januaarip aallaqqaataa 2016 aallarnerfigalugu Royal Arctic Linemi umiarsuit atorluarumallugit, taamatullu sullissat amerlanerpaat nassiussisinnaanissaat angujumallugu, nassiussassanut nalunaarutigineqaraluarlutik tunniunneqanngitsunut akiliut Royal Arctic Linep atuutsilerpaa.
Sullissattami ilaatigut ajoraluartumik aqqusaartarpaat nassiussaminnik inissaarunneqarneq inniminniinerit tunngavigalugit umiarsuit ulikkaarsimaneri peqqutigalugit. Tamatumunnga peqqutaasinnaasarpoq nassiussiniartut ilaasa inissamik anginaaralutik inniminniisarnerat. Taamaattumik ajoraluartumik ilaatigut paasisarpagut umiarsuit ulikkaarsorisat aallartut suli inissaqartitsigaluartut.
Royal Arctic Line ajornartorsiut akiorumallugu januaarip aallaqqaataa 2016 aallarnerfigalugu nassiussassanut tunniunneqanngitsoortunut akiliummik eqqussivoq. Akiligassiissutigineqartalerput inniminniinermi tunniunneqanngikkaluartumik annertussutsitut nalunaarutigineqarsimasut.
Tunniunneqaratik inniminniinermi nalunaarutigineqarsimasut tunniussisimagaanni akip 50%-ianik akeqartinneqarput.
Assartorniakkanullu assigiinngitsunut tamanut tamanna atuutsinneqarpoq.
- FCL-nassiussinermi inniminniineq kingusinnerpaamik eqqortumik pissaaq aallarnissaq ulluinnarnik tallimanik sioqqullugu, Danmarkimi nalunaaqutaq qulinngortinnagu. Tunniunneqanngitsoortunut akiliut containerinut nalunaarutigineqartunut atuutsinneqarpoq aallarnissaq ulluinnarnik tallimanik sioqqullugu tunniunneqanngitsunut.
- LCL-inik nassiussinermi inniminniineq pituttuisunngortinneqarluni eqqortumik nalunaarutigineqassaaq umiarsuit aallarnissaannut ulluinnaat arfineq-pingasut sioqqullugit Danmarkimi nalunaaqutaq qulinngortinnagu. Nikingassuteqartillugu aamma akileeqqusisarpugut, tamanna 10 kubikmeterinik annertussuseqaraangat, nassiussassatut inniminniissunneqarsimasut piffissaatillugu tunniunneqanngikkaangata imaluunniit inniminniineq atorunnaarsinniarneqaraangat umiarsuup aallarnissaanut kingusinnerpaamik ulluinnaat arfineq-pingasuinnanngoraangata.
- Juulip aallaqqaataa 2016 aallarnerfigalugu FCL-containerit oqimaassuserneqarsimanngitsut allatulluunniit uppernarsaaserneqarsimanngitsut – usitut navianartutut, akitsuusigassatut il.il. – tigujumaneqassanngillat. Ikineqanngitsutut killiliussiviit qimmorneqarnerat peqqutigalugit FC-containeri tigujumaneqanngippat, taava akiligassiisoqassaaq.
Eqqortumik oqimaassusiliineq pillugu paasiniaaniaruit takujuk: www.ral.gl/assartuineq/containere/vgm/
Qulaani tunngavissiat ingerlaavartumik nalilersuiffigisassavagut tunniussisarnerup qanoq ingerlanera apeqqutaatillugu.
Taamaattumik eqqumaffigikkit tunniutinngitsuukkanut atatillugu akiutinneqartut. Taamaattumik qulaani piumasarisat 1.2-mik ilisarnaateqarput juunillu qulingani 2016-imi nutartigaallutik.