Containerit immeriikkat oqimaassusiinik qulakkeerinninneq

Tamanna Maritime Organisationimit (IMO) aalajangiussaavoq”Safety of Life at Sea” (SOLAS) Konventionenimut ilassutitut.

Aalajangiussaq taanna nunani IMO-p ataaniittuni tamani inatsisitut atuuttussanngortitaavoq. 

Danmarkimi maleruagassat Søfartstyrelsep peqqussutaani nr. 397 apriilip 29-ani 2016-imeersumi allassimapput. Peqqussut containerinut immerneqarsimasunut oqimaassutsikkut uppernarsaasiinissamut peqqussusigaavoq. (takuuk www.retsinformation.dk).

Peqqussut atuuppoq usinik Danmarkimi Kalaallit Nunaanni containerinut imaatigut nunanut allanut ingerlanneqartussanik poortuunneqartussanik niooqqaasunut. Tassa imaappoq peqqussut atuutinngilaq Kalaallit Nunaata iluani sinerissami assartugassanut. 

Peqqussut atuupportaaq danskit kalaallillu umiarsuaani naalagaasumut, aammalu umiarsuarnut nunanit allaneersunut Danmarkip nunattalu imartaani angalasunut, taakku containerinik immernikuusunik
angalaqqinnissartik sioqqullugu tigusisussaappata.  

• Assartukkanik, Danmarkimi Kalaallit Nunaannilu containerinut immersugassanik nunanut allanut ingerlaqqittussanik, niusisussaq, oqimaassutsimik uppernarsaasiisuussaaq  (Verified Gross Mass, VGM).  

• Umiarsuaq niusisoq akisussaasuuvoq oqimaassutsimik uuttuinissamut uppernarsaasiinissamullu.  

• Oqimaassuseq uppernarsaasiussaq tassaavoq containerimut immerneqarsimasumut atatillugu suut tamaasa ilanngullugit oqimaassuseq.  

• Usinik niusisut uppernarsagaasumik oqimaassusiliineq periutsit marluk atorlugit isumagisinnaavaat: 

• Niusisussaq uuttuisinnaavoq, imaluunniit pingajuusumik oqaloqatiginnilluni uuttuutissamik atorsinnaasumik pissarsiornermini (periuseq 1) imaluunniit 

• Niusisup ilanngaasiinani oqimaassuseq naatsorsorsinnaavaa periuseq akuerisaasoq atorlugu (periuseq 2)
  
  Oqimaassuseq naleqquttoq: Oqimaalutaanermut atortorissaarut oqimaalutaanermut nalunaarusiami nakkutiginninnermut aalajangersakkami malitassanik malinnittoq
  
  a) Oqimaalutat automatiskiunngitsut (oqimaalutat oqimaalutaanerup nalaani ingerlatsisumik peqataasoqarnissaanik pisariaqartitsisut), eqqoqqissaarneranut uuttuut  IV imaluunniit pitsaanerusumik (nalunaarusiaq nr. 1143 15. december 2003), imaluunniit
  
  b) Oqimaalutat automatiskiusut (atortorissaarut imarisap annertussusaanik aalajangiisoq aqutsisumik peqataasoqartinnagu), ilumoorneranut nalilersuummi klasse Y(b) imaluunniit pitsaanerusumik (nalunaarusiaq nr. 1033 17. oktober 2006).
  
  

  Periuseq akuerisaasoq: Pitsaassutsit aqunnissaanut systemi oqimaassutsip akuerisaasoq nalunaarusiami ilanngussaq 397 tunngavigalugu aalajangerneqarnissaanut qulakkeerinnissut aammalu pitsaassuseq akuerisaq soorlu DS/EN ISO 9001:2015: pitsaassutsimik aqutsinermi systemit; piumasaqaatit kiisalu DS/EN ISO 19011:2012: aqutseriaatsinik systeminik qulakkeerinninneq -ilitsersuutillu naapertorlugit suliarineqartoq, naammassineqartoq, ingerlanneqartorlu. 

• Containerit oqimaassutsimik ilanngaateqanngitsumik uppernarsakkamik peqanngitsut umiarsuarmut usineqarsinnaanngillat!

Royal Arctic Linemi VGM 
Uagut salliutillugu pingaartitarput tassaavoq qulakkiissallugu isumannaatsumik ingerlatsinissaq. 
Nalilersuiuassaagut nalimmassaajuassallutalu, tamanna pisariaqartillugu, kisianni juulip aallaqqaataani 2016-imit naatsorsuutigivarput: 

1. VGM pillugit ilisimatitsissutaasut mailikkut, allaganngorlugit, telefaxikkut nassiunneqartut akuerissallugit (2016-ip naanerani / 2017-ip aallartinnerani RAL-ip IT-qarnerata nutaap atuutilernerani inissinnissaata tungaanut).

Paasissutissat piumasaqaataasut:

Containerit normua	Containerip normua oqimaassutsimut eqqortumut tunngasoq
Oqimaassuseq eqqortoq (VGM)	Oqimaassuseq akuerisaq KG-nngorlugu
Inuk akuerisaq	Umiarsuakkut nassiussisup akuerisap aqqa atsiorneralu

 

Paasissutissat nammineq toqqarneqarsinnaasut:

VGM certifkatip normua	Peqarpat normu
VGM-imut atsiortoq	Suliffeqarfik VGM-imik tunniussisup taaguutaa adressialu
VGM-ip atsiorneranut ulloq	VGM-ip tunniunneqarneranut ulloq
VGM-imut suleriuseq	Periuseq1: containerip poortorneqareernerata kingorna ilanngaatitaqanngitsumik tamakkiisumik oqimaassusaa.  Periuseq2: Poortukkat usineqartullu tamaasa, tassunga ilaallutik pallitsit initussusaat,, sinaakkutat ikkusimanissaanullu atortorisat allat containerimut poortugassat tamakkiisumik oqimaassusaat, containerillu taramasse-ia tassunga ilanngullugu periuseq akuerisaasoq atorlugu.

 

2. Akuerissallugit containerit VGM-ilikkat terminalimut ingerlanneqartinnagit. 

3. Terminalimi akuerissallugit containerit VGM-iligaanngitsut. Containerit taamatut ittut ikineqartassanngillat  VGM-ilerneqartinnatik, taamaattumillu terminalimi immikkoor-tinneqartassallutik. Royal Arctic Line imminut periarfissippoq  suleriaaseq pisariaqartikkuniuk allanngortissinnaassallugu imaassinaavorlu containerit VGM-iligaanngitsut tigujumanngittarsinnaassallugit. 

4. Royal Arctic Line neqeroorpoq sullississutitut FCL-inik uuttortaasarnissamut. Tamanna akinut allattorsimaffimmi akigititat atuuttut naapertorlugit neqeroorutigineqarpoq.

5. Royal Arctic Line imminut periarfissippoq ilaatigut containerinik nalunartut pillugit uuttueqqittarsinnaanissamut, naak VGM-eqartut tiguneqaraluartut aammalu periarfissariumavaa tigusiumanngissinnaanissaq, imaluunniit akileeqqusisinnaaneq, containerit eqqunngitsumik VGM-ilerneqarsimappata. 

6. Royal Arctic Linep VGM-inik tigusinissaanut piffissaliussat malippaat FCL-inik tunniussinissamut piffissaliussaasut. Tamanna eqaallisaarluni allanngortinneqarsinnaavoq taamaallaat RAL-imi umiarsuarnik pilersaarusiortuusut akuersitinnerisigut (vesselplanner).

Sukumiinerusumik paasiumasaqartoqarpat, Royal Arctic Linep Kiffartuussivia saaffigineqarsinnaavoq.